வள்ளலாரின் தேகம்  கற்பூரம் போல் கரைந்துவிட்டது என்று வள்ளலார் மறைந்தது எப்படி என்ற  புத்தகத்தில் எழுதி இருக்கிறது. உடம்பு மண்ணில் போட்டு மக்கிப்போனால் என்ன நெருப்பில் இட்டு சாம்பலாய் போனால் என்ன கற்பூரம் போல் கரைந்து போனால் என்ன ஆக உடம்பு அழிந்து போனது என்றுதானே பொருள் அப்படியானால் அதுதான் மரணமிலாப் பெருவாழ்வா?சிலருடைய பாடல்களை ஆதா ரம் காட்டி எழுதப்பட்டு உள்ளது. கர்பூரம் போல் கரைந்து போனவர்களா எழுதி உள்ளார்களா இது ஒரு ஊகம் தானே?1874 ம் ஆண்டு அவர் மறைந்தது கற்பூரம போல் கரைந்ததுதான் என்றால் 1870 ம் ஆண்டே வள்ளலார் மறைந்து போனாரே பிறகு மீண்டும் வந்தாரே அப்போது அவர் உடம்பு கரைந்து போக வில்லையா. ஞான  தேகம் தோன்றியும் தோன்றாமழலும் இருக்கும் என்ற எளிய வாக்கியத்தைக்கூடபுரிந்து கொள்ள முடியவில்லை. வான்செய்து கொண்டது நான் செய்துகொண்டேன் என்ற வரி எதை விளக்குகின்றது. மற்றவையால் காணாதபடி வானம் செய்துகொண்டது. அதை நான் செய்து கொண்டேன் என்று எளிமையாக வள்ளலாரே எழுதியபிறரும் அந்த நிலையை அடையாதவர்கள் எழுதியதை வைத்துக்கொண்டு வள்ளலாரை அப்படிச் சொல்லலாமா. சரி அவர் உடம்பு கரைந்து போனதென்றால் அவர் உடம்பில் இருந்த உயிர் என்ன ஆயிற்று.அதுவும் கரைந்து போகுமா.மாணிக்க வாசக சுவாமிகளும் மற்ற நாயன்மார்களும் மனிதர் அல்லர். தத்துவங்கள். தேவாரம் திருவாசகம் முதலியவைகள் மேற்குறித்தவர்கள் பாடியவை அல்ல. (பக்கம் 273  உரைநடை தவத்திரு ஊரன் அடிகளார் பதிப்பு) உண்மை இப்படி இருக்க அவர்கள் எல்லாம் மரணமிலாப் பெருவாழுவு  பெற்றவர்கள் என்று எழுதுவதை எப்படி உண்மை எனக் கொள்ள முடியும்?  சில ஆண்டுகட்கு முன் பேராசிரியர் ராமசாமி புலவரிடம் பேசிக்கொண்டு இருந்தேன் .மரணமிலாப் பெருவாழ்வே உண்மை அல்ல என்றார். அப்போது நான் ஆண்டாள் அடையவில்லையா என்று கேட்டேன்.யாரும் அடையவில்லை ஆண்டாள் அவருடைய தந்தை இருவர்  சமாதியும் கள்ளழகர் கோவில் பக்கத்தில் ஒரு மண்டபத்தில் உள்ளது என்றார். வள்ளலார் உடம்பு எப்படி  எந்த வகையில் போனாலும் அவருடைய உயிரானது மறு பிறவி எடுக்கவேண்டும். வள்ளலார் நித்திய தேகம் பெற்றவர்.அவர் தேகத்துடன் இன்றும் இருக்கிறார். காற்றாலே புவியாலே என்ற பாடலில் எதனாலும் அழியாத தேகம் பெற்றேன் என்றார் வள்ளலார்.தேகம் அழிந்தது என்று சொல்லாமல் கற்பூரம் போல் கரைந்துவிட்டது என்றால் என்ன பெருமை. நித்திய தேகம் என்றால் கிடைத்த இந்த தேகத்தையே நித்தியமாக்குவதுதானே.