does the people are allowed to attend? Can you please share the participation details?

நான் ஒரு கல்லூரியில் இணைப் பேராசிரியராகப் பணிபுரிந்து வருகிறேன். கடந்த 15 ஆண்டுகளாக என் துறைசார்ந்த தேசிய,மாநில, வட்டார அளவிலான கருத்தரங்குகள் மாநாடுகள் பலவற்றில் பங்கேற்று உள்ளேன். மேலும் பல துறைகளிலும் பல கல்லூரி மற்றும் பல்கலைகழகங்களில் நடைபெற்று வருகின்ற மாநாடுகள் கருத்தரங்குகள் ஆகியவற்றைப் பற்றியும் அறிந்து வருகிறேன். மாநாடுகள் மற்றும் கருத்தரங்குகள் எல்லாம் 2 அல்லது 3 நாட்களுக்கு ஒரு குறிப்பிட்ட தொகையினை பல்வேறு நிகழ்ச்சிகள் மூலம் செலவு செய்வதைத் தவிர வேறு எதுவும் இல்லை என்பதையே என்னுடைய அனுபவம் உணர்த்துகிறது.

மாநாடுகளில் கூட்டம் நிரம்பி வழியும். பல்வேறு தலைப்புகளில் ஆராய்ச்சி கட்டுரைகளை ஆராய்ச்சியாளர்கள் படித்து கொண்டு இருப்பார்கள். அவர்களுக்கு கொடுக்கப்படும் நேரம் அதிகபட்சம் 5 நிமிடங்களே. அந்த 5 நிமிடங்களில் ஆராய்ச்சியாளர் தன்னுடைய கருத்தினை விளக்கிவர அதை கேட்கவேண்டியவர்கள் அதை செவிமடுக்காமல் தாங்கள் பிறருடன் பேசிக்கொண்டே இருப்பார்கள். இடையில் நிகழ்வினை ஒழுங்குபடுத்தும் பொறுப்பாளர் 5 நிமிடம் கூட முடியாத நேரத்தில் மணியினை அடித்துக் கொண்டிருப்பார். முதல்நாள் மட்டும் வந்தவர்கள் மூன்று நாட்களுக்கும் சேர்த்து வருகை சான்றினை கேட்பார்கள். மாநாடுகளில் ஒழுங்காக நடைபெறுவது பரிசுப்பொருளினை(Kit) கொடுப்பது சிற்றுண்டி மற்றும் மதிய உணவினை கொடுப்பது மட்டுமே. இவ்வாறக மத்திய அரசின் நிதிநல்கைக் குழு மற்றும் பிற அமைப்புகளால் கொடுக்கப்படும் பணம் வீணாகிறது. படிக்கப்படும் ஆராய்ச்சி கட்டுரையோ 90% இணையத்திலிருந்தோ அல்லது பிற வழிகளின் மூலமாகவோ காப்பி அடிக்கப்பட்டவையாக இருக்கும்.

தற்காலத்தில் கல்லூரி மற்றும் பல்கலைகழகங்களில் நடைபெறும் இதுபோன்ற செயல்களை பேராசிரியர் வை. நமசிவாயம் ஐய்யா நன்றாக உணர்ந்திருப்பார்கள் என்று நம்புகிறேன். நடக்க இருக்கும் மாநாட்டினை வெறும் அறிவுஜீவிகளை வைத்து சான்றிதழ்களும் பாராட்டுரையும் கொண்ட மாநாடாக நடத்தாமல் வள்ளல் பெருமானின் வழிவந்த உண்மையான தவ அனுபவம் பெற்ற தொண்டர்களின் ஆன்மீக அனுபவங்களை வெளிக்கொணர்வதற்கான ஒரு மாநாடாக நடத்த வேண்டுமாய் அன்புடன் வேண்டிக்கொள்கிறேன்.